საზოგადოება
212 ათასამდე აბონენტს ელექტროენერგია არ მიეწოდება

bodzebiუამინდობის გამო „ენერგო პრო ჯორჯიას“ ქსელში ჩართული 212 ათასამდე აბონენტი ელექტროენერგიის გარეშე დარჩა. ამ მხრივ განსაკუთრებით რთული ვითარება იმერეთის რეგიონშია, სადაც დენი 74 ათასამდე აბონენტს არ მიეწოდება.

ძლიერი ქარისა და თოვლის გამო დაზიანებულია ელექტროსადენები და მაღალი ძაბვის გადამცემი ბოძები. რთული ლანდშაფტი და უამინდობა სარემონტო სამუშაოებს აფერხებს.

„ენერგო პრო ჯორჯიას“ ჯგუფები 24-საათიან სამუშაო გრაფიკზე გადავიდნენ. კომპანიაში ჯერჯერობით ვერ აკონკრეტებენ, როდის დასრულდება მაღალი ძაბვის გადამცემ ხაზებზე სარეაბილიტაციო სამუშაოები.