საზოგადოება
სპეცოპერაციის დროს დაღუპული სპეცრაზმელის ოჯახს ბიძინა ივანიშვილის ფონდმა „ქართუმ“ საცხოვრებელი ბინა შეუძინა
საქართველო, 19 დეკემბერი, საქინფორმი. ბერი გაბრიელ სალოსის ქუჩაზე სპეცოპერაციის დროს დაღუპული სპეცდანიშნულების რაზმის თანამშრომლის ივანე გოლაშვილის ოჯახს საცხოვრებელი ბინა გადაეცა. ნაძალადევის რაიონში მდებარე კეთილმოწყობილი, საჭირო ავეჯით და ტექნიკით აღჭურვილი ბინა ივანე გოლაშვილის ოჯახს სახელმწიფო უსაფრთხოების სამსახურის უფროსმა ვახტანგ გომელაურმა პირადად გადასცა და ბარბარობის დღესასწაული მიულოცა.
საცხოვრებელი ბინა ბიძინა ივანიშვილის ფონდმა „ქართუმ“ შეიძინა. გარდაცვლილი სპეცრაზმელის ოჯახს სახელმწიფო ერთჯერადად 100 000 ლარით დაეხმარა, ხოლო ყოველთვიურად 1000 ლარს გადასცემს.
