საქართველო, 17 ნოემბერი, საქინფორმი. ექსპერტები მთავრობას ლარის მიზანმიმართულ გაუფასურებაში ადანაშაულებენ: „არანაირი საგარეო ფაქტორი, არც მაკროეკონომიკური ფაქტორი, არცერთი სხვა ფაქტორი არ მიანიშნებს იმაზე, რომ ასეთი გაუარესება უნდა იყოს. ჩვენ გვიჩნდება ეჭვი, რომ ხომ არ არის ეს პროცესი შეთანხმებული მთავრობასთან, რომელიც დევალვაციას აკეთებს გარკვეული პოლიტიკური ამოცანების შესასრულებლად. ასევე ეძლევათ საშუალება კონკრეტულ ბიზნესჯგუფებს, ამ ლარის გაუფასურებაზე ხელი მოითბონ“, - განაცხადა პაატა შეშელიძემ.
„თუ ასე გაგრძელდა, ჩემი აზრით, გაუჭირდებათ შეაკავონ ელექტროენერგიის და გაზის საფასური. ეკონომიკური პოლიტიკა საქართველოში არასწორია და რასაც ვისმენთ ბოლო ხანებში, ყველაფერი, ალბათ, ინვესტორებისთვის ახალ გაურკვევლობებს აჩენს“, - აცხადებს გია ჯანდიერი.