საქართველო, 27 ოქტომბერი, საქინფორმი. ცენტრალური ხელისუფლების წარმომადგენლებმა შეხვედრაზე განსაკუთრებული ყურადღება 2016 წლის 19 მაისს სოფ. ხურჩაში საქართველოს მოქალაქის გიგა ოთხოზორიას მკვლელობის საკითხს დაუთმეს.
საუბარი ასევე შეეხო საქართველოს იმ მოქალაქეების საკითხს, რომლებიც განვლილი პერიოდის განმავლობაში უკანონოდ იქნენ დაკავებული ე.წ. საზღვრის კვეთის ბრალდებით და რომელთა გათავისუფლება დღემდე არ მომხდარა.
ცენტრალური ხელისუფლების წარმომადგენლებმა ასევე ისაუბრეს „ცხელი ხაზის“ მნიშვნელობაზე და მისი მეშვეობით ვალიდური, გადამოწმებული ინფორმაციის გაცვლის აუცილებლობაზე.
შეხვედრაზე საუბარი ასევე შეეხო მიმდინარე წლის 16 ოქტომბერს დე ფაქტო ხელისუფლების მიერ გალის რაიონის სოფ. გაგიდის მკვიდრი კობა ოყუჯავას დაკავების ფაქტს.
ინციდენტების პრევენციისა და მათზე რეაგირების მექანიზმის მორიგი შეხვედრა 2017 წლის 28 ნოემბერს გაიმართება.