თბილისის ონკოლოგიური საავადმყოფოდან 6 ექიმი გაათავისუფლეს. გავრცელებული ინფორმაციით, ექიმები კლინიკიდან ნარკოტიკული საშუალებების უკანონო გატანის ბრალდებით დააკავეს. ყველა მათგანს ონკოლოგიური საავადმყოფოს დირექციამ შრომითი ხელშეკრულება შეუწყვიტა.

ნარკოშემოწმებაზე ბრძანება ონკოლოგიური საავადმყოფოს ადმინისტრაციამ მას შემდეგ გასცა, რაც სპეციალურმა ოპერატიულმა დეპარტამენტმა 2 ექიმი კლინიკიდან ნარკოტიკული საშუალებების უკანონო გატანის გამო დააკავა.

საავადმყოფოს ადმინისტრაციის ბრძანებით, ნარკოშემოწმება ამ დრომდე გრძელდება. ბოლო მონაცემებით, შემოწმება 93 ექიმს ჩაუტარდა.

ონკოლოგიურ საავადმყოფოში სამართალდამცველები და ჯანდაცვის რეგულირების სააგენტოს თანამშრომლები მუშაობენ.