აქტუალური
არჩილ თალაკვაძე: „ჩვენ მზად ვართ, ავიღოთ ვალდებულება და განვახორციელოთ მნიშვნელოვანი რეფორმები სახელმწიფო მმართველობის ღიაობის თვალსაზრისით“

      საქართველო, 29 სექტემბერი, საქინფორმი. საქართველომ „ღია მმართველობის პარტნიორობას“ შეხვედრა სთხოვა თბილისში განსახორციელებელი აქტივობების განხილვის მიზნით - ამის შესახებ ინფორმაციას კახა კალაძის საარჩევნო შტაბის ხელმძღვანელი არჩილ თალაკვაძე სოციალური ქსელით ავრცელებს.
კახა კალაძე ღია მმართველობის პარტნიორობას (OGP) მხარს უჭერდა მაშინაც, როცა მინისტრი იყო და მხარს უჭერს ახლაც, როგორც მერობის ყველაზე რეალური კანდიდატი. ჩვენ მზად ვართ, ავიღოთ ვალდებულება და მომავალშიც განვახორციელოთ მნიშვნელოვანი რეფორმები სახელმწიფო მმართველობის გამჭვირვალობის და ღიაობის, საჯარო კონტროლისა და მოქალაქეთა ჩართულობის უზრუნველსაყოფად. კახ კალაძის გამარჯვების შემდეგ ქალაქ თბილისის მერიაში ღია მმართველობის პარტნიორობის პროგრამა გაგრძელდება. ჩვენ უკვე ვთხოვეთ OGP-ში საქართველოს დელეგაციას შეხვედრა თბილისის მომავალი აქტივობების განხილვის მიზნით”, - წერს თალაკვაძე.
სწორედ ამიტომ 19 სექტემბერს ნიუ-იორკში, გაეროს გენერალური ასამბლეის რიგით 72- სხდომაზე საქართველოს პრემიერმინისტრმა საფრანგეთის პრეზიდენტისგან ემანუ მაკრონისგან ღია მმართველობის პარტნიორობის (OGP) თავმჯდომარეობა ოფიციალურად გადმოიბარა, - აცხადებს არჩილ თალაკვაძე.