საქართველო, 22 აგვისტო, საქინფორმი. ბურჯანაძის პარტია "დემოკრატიულმა მოძრაობამ“ და კუკავას პარტია „თავისუფალმა საქართველომ" მერობისა და საკრებულოს თავმჯდომარეობის ერთიანი კანდიდატები დაასახელეს. გაერთიანებული პარტიების მერობის კანდიდატი კახა კუკავა იქნება, საკრებულოს თავმჯდომარეობის კი - დიმიტრი ლორთქიფანიძე.
ნინო ბურჯანაძის განცხადებით, გაერთიანებულმა პოლიტიკურმა ძალებმა პარტიული ინტერესები ერთიანობისთვის გადადეს უკან (ძალიან უკან, ისე, რომ არც ჩანს! - საქინფორმი). „ჩვენი ოპოზიციური ერთობისთვის კარი კვლავ ღიაა. ეს არ ეხება „ქართულ ოცნებას“ და „ნაციონალურ მოძრაობას“, - განაცხადა ბურჯანაძემ.
კახა კუკავას თქმით, ამომრჩევლებს უახლოეს დღეებში ეროვნულ პროგრამას წარუდგენენ.