საქართველოს სოფლის მეურნეობის მინისტრი ქვეყანაში შაქრის დეფიციტს კიდევ ერთხელ უარყოფს. ბაკურ კვეზერელის მტკიცებით, ქვეყანაში რომელიმე პროდუქტის დეფიციტი არ არის და არც მომავალშია მოსალოდნელი. ამ ფონზე ვრცელდება ინფორმაცია, რომ თბილისის სასურსათო მაღაზიებში შაქრის დეფიციტია.

ამავე ინფორმაციის თანახმად, შაქარი, ზოგ შემთხვევაში მცირე რაოდენობით, ზოგან საერთოდ არ არის. დეფიციტის მიზეზებს მაღაზიებში ვერ ხსნიან და მხოლოდ იმას ამბობენ, რომ შაქარი მიმწოდებლისგან არ მიუღიათ. ელექტრონული მედიის ინფორმაციით, შაქარი მაღაზიებში რამდენიმე დღეში საგრძნობლად მომატებული ფასით გაიყიდება.