საქართველო, 21 ივნისი, საქინფორმი. საქართველოს პრეზიდენტმა პარლამენტს რიგგარეშე სესიის მოწვევაზე უარი უთხრა. გიორგი მარგველაშვილის განცხადებით, მის უარს პოლიტიკური შინაარსი აქვს, რათა პარლამენტმა არ მიიღოს დაჩქარებული გადაწყვეტილება საკონსტიტუციო ცვლილებებთან მიმართებაში.

“შემოსულია თხოვნა, დაინიშნოს საგანგებო სესია, მე ამ თხოვნას უარით ვპასუხობ. ეს რეალურად ვერ შეცვლის ვერაფერს, მოქმედი კონსტიტუციით, პრეზიდენტის უარის მიუხედავად სესიის დანიშვნა არის შესაძლებელი, მაგრამ ჩვენს უარს აქვს პოლიტიკური შინაარსი. მოვუწოდებ პარლამენტს, არ მიიღოს უაღრესად დაჩქარებული წესით შეუთანხმებელი ცვლილებები, დაუბრუნდეს ვენეციის კომისიის მიერ შემოთავაზებულ შენიშვნებს. შევქმნათ ერთიანი თანხმობის დოკუმენტი“, - განაცხადა მარგველაშვილმა საგანგებო ბრიფინგზე.