საქართველო, 16 ივნისი, საქინფორმი. “უკრაინის ხელისუფლება საქართველოს მმართველი პარტიის დამაარსებელთან, მილიარდერ ბიძინა ივანიშვილთან მოლაპარაკებას აწარმოებს საქართველოს მესამე პრეზიდენტის მიხეილ სააკაშვილის სამშობლოში ექსტრადიციის თაობაზე”, - განაცხადა საქართველოს მთავარი პროკურორის ყოფილმა მოადგილემ დავით საყვარელიძემ.

2016 წელს, მას შემდეგ, რაც სააკაშვილი ოდესის ოლქის გუბერნატორის თანამდებობიდან გადააყენეს, მან ოპოზიციური პარტია “ახალი ძალების რუხი” შექმნა და ცდილობს, ვადამდელი საპარლამენტო არჩევნების ჩატარებას მიაღწიოს. საქართველოს მთავარმა პროკურატურამ სააკაშვილს დაუსწრებლად წაუყენა ბრალი რამდენიმე სისხლის სამართლის საქმეზე, მათ შორის, 5 მილიონი დოლარი სახელმწიფო სახსრების პირადი საჭიროებისთვის გაფლანგვაზე. ამჟამად საქართველოს ექსპრეზიდენტზე შიდასახელმწიფო ძებნაა გამოცხადებული.

“უკრაინის ხელისუფლება ყველა არხიდან და ჩვენთან დაახლოებული ადამიანების მეშვეობით ავრცელებს ამ ხმებს, რომ თუ მიხეილი არ დაამთავრებს და უკრაინაში ოპოზიციურ პოლიტიკურ საქმიანობას არ შეწყვეტს, ისინი მიხეილ სააკაშვილის საქართველოში ექსტრადიციით იმუქრებიან. ისინი მოლაპარაკებას აწარმოებენ საქართველოს ხელისუფლებასთან, კონკრეტულად, რუს ოლიგარქ ივანიშვილთან”, - განაცხადა საყვარელიძემ უკრაინულ ტელეარხ ZIK-ის ეთერში.

საყვარელიძე ამტკიცებს, რომ ბიძინა ივანიშვილთან მოლაპარაკებას პირადად უკრაინის პრეზიდენტი პეტრო პოროშენკო აწარმოებს.