სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ დღეს მრევლს საქართველოს გამთლიანებისთვის ლოცვისკენ მოუწოდა.
როგორც 2011 წლის 23 იანვარს სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ წმინდა სამების საკათედრო ტაძარში საკვირაო ქადაგებისას ბრძანა, განსაკუთრებით უნდა ვილოცოთ აფხაზეთისა და ცხინვალისთვის:
"ღმერთმა ჩვენც გვაპატიოს და მათაც, რაც ერთმანეთს გავუკეთეთ... შევთხოვ უფალს – მალე შედგეს ჩემი ჩასვლა აფხაზეთში. ილოცეთ ამისთვის! აფხაზები ძმები არიან ჩვენი, ისევე, როგორც ჩვენ ვართ მათი ძმები. ილოცეთ არამარტო აფხაზებისთვის, არამედ ბერძნებისთვის, რუსებისთვის, სომხებისთვის, აზერბაიჯანელებისთვის და ეს მადლი ჩვენვე დაგვიბრუნდება!" - ბრძანა უწმინდესმა.
საკვირაო ქადაგების დასასრულს სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ მღვდლები დეკანოზის ხარისხში აიყვანა და გამშვენებული ოქროს ჯვრების ტარების უფლებით დააჯილდოვა.
ქადაგების დასასრულს პატრიარქმა ტრადიციულად დალოცა რამდენიმე გვარი – მწითურები, ნიჟარაძეები და ფალიაშვილები.