სამართალი
სააკაშვილის სპეცსამსახურები ბიძინა ივანიშვილის სასახლეში შეღწევას გეგმავდნენ, რათა ივანიშვილის ლიკვიდაცია მოეხდინათ - გია ბერძენიძე
საქართველო, 24 მაისი, საქინფორმი. „ხვედელიძის მიმართ მაქვს ჩემი აზრი და მიმაჩნია, რომ ეს კაცი ბიძინა ივანიშვილთან სააკაშვილის კუდ-ის მიერ იყო ჩანერგილი“- „საქართველოს ძალოვან ვეტერანთა და პატრიოტთა პოლიტიკური მოძრაობის“ თავმჯდომარე გია ბერძენიძე გაზეთ „ასავალ-დასავალთან“ „ქართული ოცნების“ შინაგან საქმეთა ყოფილი მინისტრის - გელა ხვედელიძისა და სააკაშვილის მიერ ბიძინა ივანიშვილის წინააღმდეგ დაგეგმილ შეთქმულებაზე საუბრობს.
„გელა ხვედელიძე შეპყრობილია შურისძიების წყურვილით! ხაზგასმით ვაცხადებ: ბიძინა ივანიშვილი ბეწვზეა გადარჩენილი! ჩემი აზრით, გელა ხვედელიძეს რომ დასცლოდა, ბიძინა ივანიშვილს გააგორებდა და სააკაშვილის ოცნებაც ახდებოდა! გეუბნებით და მჯერა, ხვედელიძესა და მისთანა აგენტებს, რომლებიც სააკაშვილს „ ქართულ ოცნებაში“ ჰყავდა ჩანერგილი, ამის საშუალება რომ მისცემოდათ, ისინი აუცილებლად აღასრულებდნენ სააკაშვილის ბინძურ დაკვეთას!“- აღნიშნავს ბერძენაძე.
“როგორც ჩემმა ძველმა ნაცნობმა მითხრა, სააკაშვილის სპეცსამსახურები სავენტილაციო და კავშირგაბმულობის შახტების სისტემიდან ბიძინა ივანიშვილის სასახლეში შეღწევას გეგმავდნენ, რათა ივანიშვილის ლიკვიდაცია მოეხდინათ“, - აცხადებს გია ბერძენიძე.
