საქართველო, 11 მაისი, საქინფორმი. ტყიბულის შახტიდან ოთხი ადამიანის ცხედარი ამოიყვანეს. სამაშველო სამუშაო, რომელიც 14 საათის განმავლობაში მიმდინარეობდა, დასრულებულია.

უბედური შემთხვევა ტყიბულის შახტში 9 მაისს, დაახლოებით 18:00 საათზე მოხდა.  მეშახტეები სატვირთო ლიფტზე სარემონტო სამუშაოებს ასრულებდნენ, როცა მოწყობილობა მოწყდა და შახტში ჩავარდა.

მომხდარ ფაქტთან დაკავშირებით გამოძიება საქართველოს სსკ 240-ე მუხლით მიმდინარეობს, რაც გულისხმობს სამთო, სამშენებლო ან სხვა სამუშაოს წარმოებისას უსაფრთხოების ნორმების დარღვევას, რამაც სიცოცხლის მოსპობა გამოიწვია.