საქართველო, 2 მაისი, საქინფორმი. “ნაციონალურ მოძრაობაში” ამბობენ, რომ სწორედ ეს ორი საკითხია ყველაზე პრობლემური ქვეყნის დემოკრატიისთვის.

„დეტალურად განვიხილეთ “რუსთავი 2”-თან დაკავშირებით შექმნილი ვითარება და ავუხსენით მათ, თუ რა საფრთხეს წარმოადგენს ჩვენი ქვეყნისთვის და ამ ქვეყანაში დემოკრატიისთვის “რუსთავი 2”-ზე ზეწოლის გაგრძელება. ასევე, ვესაუბრე პრობლემებზე, რასაც დღეს უქმნის ჩვენს ქვეყანას რუსული პროპაგანდა ქვეყანაში“, - ამბობს სალომე სამადაშვილი.

„ბოლო პერიოდის განმავლობაში ყველაზე მნიშვნელოვანი თემა იყო “რუსთავი 2”-ის საკითხი, შესაბამისად, ეს ინფორმაცია იქნება მიწოდებული და ყველაზე მნიშვნელოვანია მათი შეფასებები“, - აცხადებს “ევროპული საქართველოს” წევრი გიგი წერეთელი.

ეუთოს ექსპერტებთან შეხვედრაზე საპარლამენტო უმრავლესობა აქცენტის გაკეთებას საქართველოში მედია ომბუდსმენის ინსტიტუტის დაფუძნებასთან დაკავშირებულ საკითხებზე გეგმავს.

„იქნება ეს კონკრეტულად ომბუდსმენის ინსტიტუტი თუ იქნება სხვა ფორმატი, მაგალითად, ხანგრძლივი ექსპერტული ჩართულობა, ეს არის დამოკიდებული იმ რეკომენდაციებზე, რომელსაც ჩვენ მივიღებთ ამ ორდღიანი შეხვედრების შემდგომ“, - განაცხადა პარლამენტის პირველმა ვიცე–სპიკერმა, ენ–ჯე–ო–ელმა თამარ ჩუგოშვილმა.

საქინფორმი: მაშ ასე, კვლავაც საქმე გვაქვს ორმაგ სტანდარტებთან: ერთი მხრივ, დასავლეთელი კურატორები თავისუფალი სიტყვის დასაცავად ჩამოვიდნენ დასავლეთის „რბილი ძალის“ – პროპაგანდისტული ტელეკომპანია „რუსთავი 2“–ის სახით, მეორე მხრივ კი დასავლეთისთვის არასასურველი ყველა მედიის ასაკრძალავად, რომლებსაც მათ „პრორუსული“ შეაქვეს.