სამართალი
შავ ზღვაში ჩაძირული სატვირთო გემის ბორტზე საქართველოს მოქალაქე იმყოფებოდა
საქართველო, 20 აპრილი, საქინფორმი. შავ ზღვაში მასშტაბური სამაშველო ოპერაცია მიმდინარეობს. ქერჩის სრუტესთან შტორმის შედეგად პანამის დროშის ქვეშ მცურავი, სატვირთო გემი ჩაიძირა. წინასწარი ინფორმაციით, ბორტზე 12 მეზღვაური იმყოფებოდა. მაშველებმა 5 მეზღვაური გადაარჩინეს, 7 კი დაკარგულად მიიჩნევა.
რუსული მედიის ცნობით, ერთ-ერთი მეზღვაური საქართველოს მოქალაქეა.
გავრცელებული ცნობით, გემი როსტოვიდან თურქეთის მიმართულებით მიემართებოდა და ხორბალი გადაჰქონდა.
