საქართველო, 11 აპრილი, საქინფორმი. თურქეთში მომხდარი ავტოავარიის შედეგად დაშავებული მოქალაქეები ქალაქ რიზეს საუნივერსიტეტო კლინიკაში გადაიყვანეს, სადაც  საქართველოს კონსულიც იმყოფებოდა.

ავტოავარიის შედეგად დაიღუპა საქართველოს ერთი მოქალაქე  და 6 დაშავდა. თურქული მედიის ცნობით, ქალაქ რიზესთან სამგზავრო მიკროავტობუსი საპირისპირო მიმართულებით მოძრავ ავტომობილს შეეჯახა.

გარდაცვლილი უკვე გადმოასვენეს საქართველოში. ავტოავარიის მიზეზებს თურქი სამართალდამცველები იკვლევენ. თურქული მედიის ცნობით, შეჯახების შედეგად სამგზავრო მიკროავტობუსს ცეცხლი მოეკიდა.