საზოგადოება
სპორტკომენტატორი ობოლაძე „რუსთავი 2“–დან „იმედში“ გადავიდა. ვინ იქნება შემდეგი?

   საქართველო, 17 მარტი, საქინფორმი. ვადასტურებ, რომ ჩემი რუსთავი 2”-დან წასვლის საკითხი დღის წესრიგში დგას, - ამის შესახებ “რუსთავი 2”-ის სპორტული მიმართულების ხელმძღვანელმა და „სხვა შუადღის“ წამყვანმა დიმა ობოლაძემ განაცხადა.

"ახლა ვარ რაღაცების გარკვევის პროცესში, როგორ გითხრათ, მინდა, რომ ყველაფერი დაკონკრეტებული იყოს", - ამბობს ობოლაძე.

გავრცელებული ინფორმაციით, ტელეწამყვანი სამუშაოდ "იმედში" გადადის.

„რუსთავი 2“-ის ჟურნალისტი თენგო გოგოტიშვილი დიმა ობოლაძის „იმედში“ გადასვლას ფეისბუქზე ეხმაურება.

„ტვ "იმედი" - ალალად გილოცავთ დაბადების დღეს!

ორივე შენაძენსაც გილოცავთ, თუმცა გული ალალად მწყდება.

ეს რაუნდი მოიგეთ“,- წერს ჟურნალისტი.

„არაა აუცილებელი, "მეორე შენაძენი" ადამიანი იყოს... თუმცა არც გამორიცხულია. ექსკლუზივებს ასე მარტივად არ ვარიგებ, უკაცრავად“, - აღნიშნავს თენგო გოგოტიშვილი.