როგორც არაბთა გაერთიანებული ემირატების საინფორმაციო სააგენტო "ვამი" აბუ-დაბიდან იტყობინება, საქართველოს პრემიერ-მინისტრი ნიკა გილაური არაბეთის გაერთიანებული ემირატების საგარეო საქმეთა მინისტრს აბდულა ბინ ზაიედ ალ ნაჰანს შეხვდა.

ინტერნეტგამოცემის ცნობით, შეხვედრაზე მსჯელობა ორმხრივი ურთიერთობების პოლიტიკურ, ეკონომიკურ და ტექნოლოგიურ სფეროში თანამშრომლობის გაღრმავებას შეეხო.

"ვამის" ინფორმაციით, პრემიერ-მინისტრმა სურვილი გამოთქვა, საქართველომ ვაჭრობისა და საინვესტიციო სფეროში ემირატებთან ითანამშრომლოს. მან მადლობა გადაუხადა არაბულ მხარეს მსოფლიოს მომავლის ენერგიის შესახებ მაღალი დონის სამიტის ორგანიზებისთვის, რომელშიც პრემიერი მონაწილეობს.