საქართველო, 24 თებერვალი, საქინფორმი. შინაგან საქმეთა სამინისტრომ, დანაშაულის პრევენციისა და საზოგადოებრივი წესრიგის დაცვის მიზნით, მთელი ქვეყნის მასშტაბით სპეციალური საპოლიციო კონტროლი განახორციელა.

2017 წლის 21-22 თებერვალს, საპოლიციო კონტროლის დროს, სამართალდამცველებმა  გამოავლინეს სისხლის სამართლის 80 დანაშაული, მათ შორის: ცეცხლსასროლი იარაღის მართლსაწინააღმდეგო შეძენა-შენახვისა და ტარების – 21 ფაქტი; ნარკოტიკების უკანონო შეძენა-შენახვა-გასაღების – 15 ფაქტი; ქურდობის – 11 ფაქტი და სხვ.

დაფიქსირდა ადმინისტრაციული სამართალდარღვევის 1182 შემთხვევა, მათ შორის: წვრილმანი ხულიგნობის - 5 ფაქტი; პოლიციისადმი დაუმორჩილებლობის - 24 ფაქტი; ცივი იარაღის ტარების – 18 ფაქტი და სხვ.

საპოლიციო კონტროლის დროს სამართალდამცველებმა ჩადენილი სისხლის სამართლის დანაშაულისთვის - 19, ხოლო ადმინისტრაციული სამართალდარღვევისთვის 38 პირი დააკავეს.