საქართველო, 9 იანვარი, საქინფორმი. საზოგადოებრივი მაუწყებლის სამეურვეო საბჭომ გენერალურ დირექტორად ვასილ მაღლაფერიძე აირჩია.

 კონკურსის მეორე ტურში  ხუთი კანდიდატი მონაწილეობდა - ვასილ მაღლაფერიძე, ნინო ზაუტაშვილი, ზაალ ანჯაფარიძე, ნათია კუპრაშვილი და თინათინ ბერძენიშვილი.

 პირველი კენჭისყრის დროს ვასილ მაღლაფერიძემ ოთხი ხმა მიიღო, თინათინ ბერძენიშვილმა  - ორი, რის გამოც განმეორებითი კენჭისყრა გახდა საჭირო.

 განმეორებითი ფარული კენჭისყრის შედეგად ვასილ მაღლაფერიძემ 6  ხმა მიიღო, თინათინ ბერძენიშვილმა - ორი ხმა. კანდიდატის  გამარჯვებისთვის ხუთი ხმა იყო საჭირო.

 საზოგადოებრივი მაუწყებლის გენერალურ დირექტორს 6 წლით ვადით ირჩევენ.