,,ჰერიტიჯ ფაუნდეიშენისა" და "უოლ სტრიტ ჯორნალის" მიერ გამოქვეყნებულ მსოფლიო ეკონომიკური თავისუფლების ინდექსში 183 ქვეყანა თავისუფლების ათი სხვადასხვა კატეგორიის მიხედვითაა შეფასებული. ესენია: ვაჭრობის თავისუფლება, ბიზნესის თავისუფლება, ინვესტიციის თავისუფლება, კორუფციის დონე, საკუთრების უფლებები და სხვ.

მე-17 წელია, ჰონკონგსა და სინგაპურს პირველი და მეორე ადგილები უკავიათ ინდექსში. მათ მოსდევენ ავსტრალია, ახალი ზელანდია და შვეიცარია. პირველ ათეულში არიან ასევე კანადა, ირლანდია, დანია, აშშ და ბაჰრეინი. პოსტკომუნისტურ ქვეყნებს შორის საუკეთესო მაჩვენებელი აქვს ესტონეთს, ის მე-14 ადგილზეა. მას მოსდევენ ნიდერლანდები, დიდი ბრიტანეთი და ფინეთი, საქართველომ 29-ე ადგილი დაიკავა . იგი ერთი ადგილით ჩამორჩება ჩეხეთის რესპუბლიკას. ესტონეთისა და ჩეხეთის გარდა, საქართველოს   უსწრებს ლიტვა (24-ე ადგილი).

ინდექსის განმარტებით, მოხსენებაში აღნიშნულია, რომ საქართველოს საერთო შეფასება გასული წლიდან დიდად არ შეცვლილა.