საქართველო, 16 ნოემბერი, საქინფორმი. “ეს მხოლოდ საქართველოშია შესაძლებელი, რომ პოლიტიკოსებმა, რომელთა პარტიებმა საპარლამენტო არჩევნებში ამომრჩევლების ხმების 1%-იც კი ვერ მიიღეს, განაცხადონ, რომ ტოვებენ საკუთარ პარტიებს და იწყებენ ახალი პოლიტიკური გაერთიანების შექმნაზე “ზრუნვას” დევიზით – “მკვდარი მკვდარს აეკიდაო”! ანდა, “ჭკვიანი პოლიტიკოსი”, რომელიც 4 წლის განმავლობაში იმყოფებოდა ქვეყნის პარლამენტის თავმჯდომარის თანამდებობაზე და მისი პარტია სამარცხვინო 1,5%-ის მიჯნაზე ჩერდება, როგორ “ახალ პოლიტიკურ ცენტრს” შექმნის?…” – წერს სოციალურ ქსელში ანალიტიკოსი ჯუმბერ კირვალიძე.

 “ბურჯანაძე ნათელაშვილს ემსგავსება, რადგანაც მისი რიტორიკა ბიძინა ივანიშვილის პიროვნებასთან მიმართებაში, ერთი-ერთში იმეორებს “პირველი ლეიბორისტის” რიტორიკას. ეს პოლიტიკური აღსასრულის ნიშანია?.. ამ გზაზე, ალბათ, ბოლო აკორდი იქნება მათი “გაერთიანება ერთ ოპოზიციურ ცენტრში და მესამე პირში” საკუთარ პიროვნებებზე საუბარი, რაც სავარაუდოდ თანამდებობების გადანაწილებით დასრულდება – “პრეზიდენტად” ნინო, “პრემიერად” შალვა…!” – წერს ჯუმბერ კირვალიძე.