საქართველო. 10 ნოემბერი. საქინფორმი. 2016 წლის იანვარ-ოქტომბერში საქართველომ 50 ქვეყანაში 38 მილიონ 392,5 ათასი ბოთლი (0,75 ლიტრი მოცულობის) ყურძნის ნატურალური ღვინის ექსპორტი მოახდინა, რაც 36,6%-ით აღემატება 2015 წლის იმავე პერიოდს, იტყობინება რესპუბლიკის სოფლის მეურნეობის სამინისტროს ღვინის ეროვნული სააგენტო.

 უწყების ინფორმაციით, ღვინის ექსპორტისაგან შემოსავალი გაიზარდა 14,4%-ით - 88,3 მილიონი დოლარით. შეტყობინებაში აღნიშნულია, რომ ღვინის მიწოდება რუსეთის ფედერაციაში მიმდინარე წლის 10 თვეში 40%-ით - 20 მილიონ 531,9 ათას ბოთლამდე გაიზარდა (ღვინის ექსპორტის საერთო მოცულობის 53,5%).

 ქართული ღვინის ძირითადი იმპორტიორების ხუთეულში ასევე შედიან ჩინეთი (4 მილიონ 307,8 ათასი ბოთლი), უკრაინა (4 მილიონ 212,1 ათასი ბოთლი), ყაზახეთი (3 მილიონ 19,1 ათასი ბოთლი) და პოლონეთი (1 მილიონ 819,5 ათასი ბოთლი). მიმდინარე წლის იანვარ-ოქტომბერში საქართველომ ასევე მოახდინა 7 მილიონ 129,2 ათასი ბოთლი (0,5 ლიტრიანი) ბრენდის ექსპორტი 16 ქვეყანაში, რაც 31%-ით აღემატება  2015 წლის ამავე პერიოდს. შემოსავალმა შეადგინა 16,3 მილიონი დოლარი (14,8%-იანი ზრდა).

 გარდა ამისა, რესპუბლიკამ საგარეო ბაზარს მიაწოდა ჭაჭა (ქართული არაყი), სხვა ალკოჰოლური სასმელები, ღვინომასალები და კონიაკის სპირტი. 10 თვის განმავლობაში მათი რეალიზაციიდან საერთო შემოსავალმა 115,7 მილიონი დოლარი შეადგინა.

 2015 წელს საქართველომ 46 ქვეყანაში მოახდინა 36 მილიონ 71,4 ათასი ბოთლი ღვინის ექსპორტი, რაც 38,9%-ით ნაკლებია, ვიდრე ერთი წლით ადრე. გასულ წელს მიწოდება რუსეთში 2,1-ჯერ - 18 მილიონ 308,2 ათას ბოთლამდე შემცირდა (ექსპორტის საერთო მოცულობის 50,8%).