პოლიტიკა
სააკაშვილი: "ჩვენ, უბრალოდ, ვცდილობთ, გადავრჩეთ"
“რომ გადავრჩეთ, ჩვენ აუცილებლად გვჭირდება უსაფრთხოების მინიმალური გარანტია," - განაცხადა სააკაშვილმა უკრაინული "მეხუთე არხისთვის" მიცემულ ინტერვიუში. მისივე თქმით, საქართველოს ნატოში გაწევრება მხოლოდ დროის საკითხია, რადგან ალიანსში ინტეგრაცია ქვეყნის ეროვნული უსაფრთხოების უზრუნველსაყოფად აუცილებელია.
"რომ გადავრჩეთ, ჩვენ აუცილებლად გვჭირდება უსაფრთხოების მინიმალური გარანტია. ეს ჩვენთვის სრულიად ნათელი საკითხია და ამაზე კამათს არავინ აპირებს. უფრო დიდი და უკეთესი ორგანიზაცია არ არსებობს. საკუთარი უსაფრთხოების მარტო უზრუნველყოფა კი არავის შეუძლია, განსაკუთრებით პატარა ქვეყნებს და ეს უკრაინასაც ეხება", - განაცხადა სააკაშვილმა.
"ჩვენ, უბრალოდ, ვცდილობთ, გადავრჩეთ და განვვითარდეთ – სულ ეს არის. რა თქმა უნდა, პატარა საქართველო თავს ვერავის დაესხმება, განსაკუთრებით – დიდ მეზობლებს, ეს უგუნურების მწვერვალი იქნებოდა", - აღნიშნა ინტერვიუში სააკაშვილმა.
