საქართველო, 30 აგვისტო, საქინფორმი. საქართველოს პრემიერ–მინისტრი უახლოეს დღეებში ოფიციალური ვიზიტით ბაქოს ეწვევა – ამის შესახებ პრემიერ–მინისტრ გიორგი კვირიკაშვილის და  აზერბაიჯანის საგარეო საქმეთა მინისტრ ელმარ მამედიაროვის შეხვედრაზე აღინიშნა.

 მხარეებმა ორი ქვეყნის სტრატეგიული თანამშრომლობის საკითხებზე იმსჯელეს. საუბარი შეეხო საქართველო-აზერბაიჯანის პოლიტიკურ, კულტურულ, სავაჭრო–ეკონომიკურ  ურთიერთობებს და ენერგეტიკულ სფეროში თანამშრომლობის გაღმავების პერსპექტივებს.

 შეხვედრაზე ყურადღება გამახვილდა  ტრანსპორტის სფეროში  თანამშრომლობის დიდ პოტენციალზე. ისაუბრეს, აგრეთვე, რეგიონული უსაფრთხოების საკითხებზე.