პუბლიკაციები
საქართველოს ოლიმპიური ნაკრები მედლების ხარისხით 206 ქვეყანას შორის 38-ე ადგილი დაიკავა

 საქართველო, 26 აგვისტო, საქინფორმი. გუშინ, 25 აგვისტოს, გამთენიისას, 03:25 საათზე თბილისის საერთაშორისო აეროპორტში რიოს ოლიმპიური თამაშებიდან დაბრუნდნენ საქართველოს ოლიმპიური დელეგაციის წევრები და სპორტსმენები.

 ოლიმპიელებს აეროპორტში დახვდებიან სპორტისა და ახალგაზრდობის საქმეთა მინისტრი ტარიელ ხეჩიკაშვილი, მინისტრის მოადგილეები, ოჯახის წევრები და გულშემატკივრები.

 საქართველოს ოლიმპიურმა დელეგაციამ ზაფხულის XXXI ოლიმპიურ თამაშებზე ჯამში 7 მედალი  - 2 ოქრო, 1 ვერცხლი და 4 ბრინჯაო მოიპოვა, მედლების ხარისხით კი 206 ქვეყანას შორის 38- ადგილი დაიკავა.

 ოლიმპიური ჩემპიონები ლაშა ტალახაძე (ძალოსნობა) და ვლადიმერ ხინჩეგაშვილი (თავისუფალი ჭიდაობა) გახდნენ, ვერცხლის მედალი ვარლამლიპარტელიანმა (ძიუდო), ბრინჯაოს მედლები კი ლაშა შავდათუაშვილმა (ძიუდო), შმაგი ბოლქვაძემ (ბერძნულ-რომაული ჭიდაობა), ირაკლი თურმანიძემ (ძალოსნობა) და გენო პეტრიაშვილმა (თავისუფალი ჭიდაობა) მოიპოვეს.