საზოგადოება
400-მდე დევნილი ოჯახი ქუთაისში ახალაშენებულ კორპუსებში საცხოვრებელ ფართს მიიღებს
საქართველო, 8 აგვისტო, საქინფორმი. დევნილთა და განსახლების მინისტრმა სოზარ სუბარმა, იმერეთის გუბერნატორმა გივი ჭიჭინაძემ და ქუთაისის მერმა შოთა მურღულიამ ქუთაისში, შმიდტისა და ერისთავის ქუჩებზე მენაშენეების პროექტის ფარგლებში ახალაშენებულ კორპუსებში შესყიდული საცხოვრებელი ფართები დაათვალიერეს.
ერისთავის ქუჩაზე უახლოეს მომავალში საცხოვრებელი ფართით 43 ოჯახი დაკმაყოფილდება, შმიდტის ქუჩაზე კი დევნილ ოჯახებს 180 ბინა გადაეცემათ.
დევნილთა და განსახლების სამინისტრომ მენაშენეებისგან, კონკურსის საფუძველზე, ქუთაისში ახალაშენებულ კორპუსებში ჯამში 263 ბინა შეისყიდა.
მენაშენეების პროექტის პარალელურად, ქუთაისში, შერვაშიძის ქუჩაზე 2 000 დევნილი ოჯახისთვის 25 თექვსმეტსართულიანი კორპუსის მშენებლობაც მიმდინარეობს. პირველ ეტაპზე 2 კორპუსი შენდება, სადაც 2016 წლის ბოლომდე ბინას 160 დევნილი ოჯახი მიიღებს.
