საქართველო, 18 ივლისი, საქინფორმი.  შსს-ს თბილისის პოლიციის დეპარტამენტის დეტექტივების სამმართველოს და გლდანი-ნაძალადევის სამმართველოს თანამშრომლებმა წარსულში ნასამართლევი ლევან კ. და წარსულში ნასამართლევი ივანე ლ. დამამძიმებელ გარემოებაში ჩადენილი განზრახ მკვლელობის და ქურდობის ბრალდებით, ხოლო თემურ გ. ქურდობაში თანამონაწილეობის ბრალდებით დააკავეს.

ლევან კ., ივანე ლ. და თემურ გ. თბილისში, გლდანის „ა“ მიკრორაიონში, მ. მ-ს ბინაში შევიდნენ, მართლსაწინააღმდეგოდ დაეუფლნენ თანხას და ძვირფასეულობას, შემდეგ ქალბატონი გაგუდეს და შემთხვევის ადგილიდან მიიმალნენ.

ნაქურდალი ფული და ძვირფასეულობა ამოღებულია ნივთმტკიცებად. სამივე დაკავებული ჩადენილ დანაშაულს აღიარებს.