პოლიტიკა
აჭარა – პოპულარული რუსული ტელეარხის “ПЯТНИЦА”-ს გადაცემა # ЖаннаПожени–ის ობიექტივში
საქართველო, 5 ივლისი, საქინფორმი. ამჯერად რეგიონს გადაცემა „ЖаннаПожени“-ს გადამღები ჯგუფი სტუმრობდა. გადაცემის ფორმატის მიხედვით, ტელეწამყვანი ჟანა ბადოევა წყვილებს საოცნებო ქორწილის გადახდაში ეხმარება და ისინი მათთვის სასურველ ქვეყანაში მიჰყავს. საქართველო, კონკრეტულად კი აჭარა, არასტანდარტული ქორწილის გადასახდელად საინტერესო ტურისტული ადგილი აღმოჩნდა გადაცემის მორიგი წყვილისთვის. ქორწილის ორგანიზებისას გადამღები ჯგუფის ობიექტივში მოხვდა ბათუმის ტურისტული ღირსშესანიშნაობები, ბოტანიკური ბაღი, ფოლკლორი, სასტურმო და სარესტორნო პოტენციალი. ახალგაზრდა წყვილმა თავიანთი საოცნებო ქორწილი ბათუმში გადაიხადეს. გადაცემა ტელეარხის ეთერში მიმდინარე ზაფხულის სეზონზე გავა და ის პოპულარიზაციას გაუწევს აჭარას, როგორც ახალგაზრდა წყვილებისთვის მიმზიდველ ტურისტულ მიმართულებას.
ტელეარხ „ПЯТНИЦА”-ს გადამღები ჯგუფი რეგიონს აჭარის ტურიზმის დეპარტამენტის ორგანიზებით წელს მეორედ სტუმრობდა. პირველად ისინი აქ მაისში, გადაცემა „Еда, я люблю тебя“-ს გადაღებისას იმყოფებოდნენ.
