სამართალი
საქართველო, 8 ივნისი, საქინფორმი. შსს-ს მცხეთა-მთიანეთის პოლიციის დეპარტამენტის და შიდა ქართლისა და მცხეთა-მთიანეთის საოლქო პროკურატურის თანამშრომლებმა ორგანიზებული დანაშაულებრივი ჯგუფის 3 წევრი: თამარ წ., ლაშა ა. და ირაკლი კ. დააკავეს, ხოლო 2 წევრი: ელენე ქ. და თეო ნ. სისხლის სამართლის პასუხისგებაში მისცეს.
ორგანიზებული ჯგუფის წევრებმა სხვადასხვა დროს, ოფიციალური სანოტარო აქტების გაყალბების შედეგად, 4 მოქალაქის კუთვნილ 6 ბინასა და მიწის ნაკვეთზე ქონებრივი უფლებები თაღლითურად მოიპოვეს. მოქალაქეებისთვის მიყენებულმა ქონებრივმა ზიანმა 2 130 110 ლარი შეადგინა.