პოლიტიკა
„ნებისმიერი შეკითხვა საქართველოს ამჟამინდელ საგარეო–პოლიტიკურ ვექტორზე უადგილოა“ - პრემიერი კვირიკაშვილი
საქართველო, 11 მაისი, საქინფორმი. გიორგი კვირიკაშვილი ერთობლივ წვრთნებს დასავლეთთან პარტნიორობის ნათელ მაგალითად მიიჩნევს: „ეს არის ძალიან ნათელი მაგალითი ჩვენი პარტნიორობისა დასავლეთთან. მნიშვნელოვანია საქართველოს თავდაცვისუნარიანობის ზრდა. ჩვენ გავიარეთ მნიშვნელოვანი ეტაპი საქართველოს სამხედრო რეფორმისა, როდესაც საქართველოს სამხედრო შენაერთები არიან მაქსიმალურად თავსებადი ნატო-ს სტანდარტებთან. ეს არის გამოხატულება საქართველოს ურყევი ნებისა და მოსახლეობის სუვერენული გადაწყვეტილებისა საქართველოს საგარეო პოლიტიკური ვექტორის თაობაზე. ნებისმიერი შეკითხვა ამ ვექტორის თაობაზე, ჩემი აზრით, არის არაობიექტური და უადგილო. ეს წვრთნები არ არის მიმართული არავის წინააღმდეგ. ვფიქრობ, რომ აქ პროვოკაციის ნასახი არ არის. გაცილებით უფრო მეტი პროვოკაციული ელემენტია იმ ხელშეკრულებებში, რომლებიც იწერება რუსეთის ფედერაციას, აფხაზეთსა და ე.წ. სამხრეთ ოსეთს შორის. ჩვენი მხრიდან აბსოლუტურად არანაირ პროვოკაციას ადგილი არ აქვს“,-აღნიშნა პრემიერმა.
