geflag
პოლიტიკა
ეროსი კიწმარიშვილი „ქართული პარტიიდან“ მიდის

erosi2ეროსი კიწმარიშვილმა შესაძლოა „ქართული პარტია“ დატოვოს. კულუარული ინფორმაციით, მას პარტიის დანარჩენ ლიდერებთან შეუთანხმებლობა აქვს. ჯერ კიდევ რამდენიმე ხნის წინათ გავრცელდა ინფორმაცია, რომ ლევან გაჩეჩილაძე ეროსი კიწმარიშვილს ეჩხუბა. ახლა კი ამბობენ, რომ ამ პარტიის შიგნით, ეროსი კიწმარიშვილის პოზიციები პარტიის დანარჩენ ლიდერებს არ მოსწონთ, რის გამოც ხშირად კამათობენ.

ეროსი კიწმარიშვილი მარტო „ქართული პარტიიდან“ არ მიდის. როგორც ირკვევა, კიწმარიშვილი ტელეკომპანია „მაესტროდანაც“ წავიდა. „მაესტრო“ ოთხშაბათს გაითიშა და როდის ჩაირთვება ჯერჯერობით არ კონკრეტდება. „მაესტროში“ ტელეკომპანიის გათიშვის ოფიციალურ მიზეზად კი ამ დრომდე ტექნიკურ პრობლემებს ასახელებენ.

ამდენად, „ქართულ პარტია“, რომელიც დიდი ხმაურით დაფუძნდა და გაზაფხულისთვის 50 ათასი მხარდამჭერის მობილიზებას წინასწარ აანონსებდა, რთული პროცესების წინაშე დგას.