უცხოეთი
გროისმანმა უარი განაცხადა უკრაინის მთავრობის ხელმძღვანელობაზე
საქართველო, 13 აპრილი, საქინფორმი. უკრაინის უმაღლესი რადის თავმჯდომარე ვლადიმერ გროისმანმა უარი განცხადა სათავეში ჩადგომოდა მინისტრთა კაბინეტს – პარლამენტის სპიკერმა არ მოისურვა უკრაინის პრემიერ–მინისტრობა იმის გამო, რომ მოლაპარაკებების პროცესში არ შესრულდა მისი პირობები. გროისმანი ითხოვდა, შეეთანხმებინათ მისი კანდიდატურები: ანდრეი რევისა – ჯანდაცვის მინისტრის თანამდებობაზე, ალექსანდრე საენკოსი – მთავრობის მინისტრის პოსტზე, მაქსიმ ნეფედოვისა – სოცპოლიტიკის მინისტრის თანამდებობაზე, ვლადიმერ კისტიონისა – ვიცე–პრემიერის პოსტზე.
ასევე გროისმანი პირველი ვიცე–პრემიერის თანამდებობაზე ვიტალი კოვალჩუკისა და იგორ რაინინის კანდიდატურების წინააღმდეგი იყო.
როგორც საქინფორმი იტყობინებოდა, მიმდინარე წლის 10 აპრილს არსენი იაცენიუკმა თავისი გადადგომის შესახებ განაცხადა.
