საზოგადოება
არასამთავრობო ორგანიზაციები ბათუმში მეჩეთის მშენებლობასთან დაკავშირებით მუსლიმ თემს სოლიდარობას უცხადებენ
საქართველო, 21 მარტი, საქინფორმი. აღნიშნული ორგანიზაციები მოუწოდებენ სახელმწიფოს, განუხრელად დაიცვას რელიგიის თავისუფლების, სეკულარიზმისა და თანასწორობის პრინციპები და:
„დააჩქაროს მუსლიმი თემის განცხადების განხილვა ბათუმში ხელმისაწვდომ ტერიტორიაზე ახალი მეჩეთისთვის მიწის ნაკვეთის გადაცემის თაობაზე და დააკმაყოფილოს ის;
უზრუნველყოს მიწის ნაკვეთის გადაცემისა და შემდგომში მეჩეთის მშენებლობის პროცესში მეჩეთის მშენებლობის საინიციატივო ჯგუფის აქტიური მონაწილეობა, პროცესის დემოკრატიულად წარმართვისა და მუსლიმი თემის ნდობის უზრუნველყოფის მიზნით;
არ შეუქმნას მუსლიმ თემს გაუმართლებელი ბარიერები მეჩეთის მშენებლობის პროცესში და უზრუნველყოს მშენებლობის ნებართვის მიღების პროცედურის კანონიერ, დისკრიმინაციისგან თავისუფალ პირობებში წარმართვა“, - ნათქვამია, კერძოდ, განცხადებაში, რომლის სრული ვერსია შეგიძლიათ იხილოთ ამ ბმულზე.
