საზოგადოება
ლაგოდეხის საავადმყოფო და პოლიკლინიკა წყლის გარეშე დარჩა
ცნობილი გახდა, რომ ლაგოდეხის რაიონის საავადმყოფოსა და პოლიკლინიკას, უკვე 20 დღეა, სასმელი წყალი არ მიეწოდება. ამის მიზეზი რამდენიმე თვის განმავლობაში დაგროვილი დავალიანება გახდა, რომელიც 4 000 ლარს შეადგენს.
დაწესებულებებს წყლის მიწოდება შპს "საქართველოს წყალმა" შეუწყვიტა. დავალიანების გადახდა თვის ბოლომდე ვერ მოხერხდება. იქამდე კი ექიმებსა და პაციენტების ახლობლებს წყლის ზიდვა შორი მანძილიდან უწევთ.
საავადმყოფოში წყლის არქონის გამო, ანტისანიტარიის გავრცელების საშიშროებაცაა. მედიკოსები დახმარებას ითხოვენ.
