აქტუალური
„გაჩნდება 200 ახალი სამუშაო ადგილი და განმტკიცდება კავშირები ევროპასთან“ - პრემიერი კვირიკაშვილი
საქართველო, 18 თებერვალი, საქინფორმი. საქართველოს პრემიერ–მინისტრი ქუთაისის აეროპორტში ახალი მიმართულებების დამატებას და კომპანია Wizz Air-ის ბაზის გახსნას გამოეხმაურა.
„კარგი ამბავი არის ის, რომ Wizz Air-მა გახსნა ბაზა ქუთაისში და ჩვენ გვექნება 7 ახალი რესი ევროპის მიმართულებით. უფრო მეტი პირდაპირი რეისი განხორციელდება ევროპისკენ. გაჩნდება 200 ახალი სამუშაო ადგილი ქუთაისსა და თბილისში და განმტკიცდება კავშირები ევროპასთან.
ეს, ყოვლისმომცველ ინფრასტრუქტურულ გეგმასთან ერთად, რომელსაც მალე წარვადგენთ, მოგვცემს შესანიშნავ შესაძლებლობას, გვქონდეს ევროპასთან სატრანსპორტო კავშირი ქუთაისიდან. ეს კარგია ტურიზმის და ბიზნესის განვითარებისთვის და ევროპასთან სატრანსპორტო კავშირის განმტკიცებისთვის“, – აღნიშნა პრემიერ–მინისტრმა ინვესტორთა საბჭოს სხდომის დაწყების წინ.
