საქართველო, 17 თებერვალი, საქინფორმი. უგულებელჰყო რა ვაშინგტონის თხოვნა, არ შეხებოდა სირიელ ქურთებს, თურქეთის პრეზიდენტმა უჩვენა, რომ მზადაა, მოიმდუროს თავისი მთავარი მოკავშირეც კი, – წერს თურქული გამოცემა Today’s Zaman.

ურთიერთობები ანკარასა და ვაშინგტონს შორის შესამჩნევად გაცივდა მას შემდეგ, რაც რეჯებ ერდოღანმა საჯაროდ განაცხადა, რომ ვაშინგტონმა უნდა აირჩიოს, ვისთან დაიჭერს საქმეს – თურქეთთან, როგორც მის მოკავშირესთან, თუ ტერორისტებთან კობანში. გაზეთის ცნობით, ამერიკის ელჩმა ჯონ ბასმა განსაკუთრებულად სთხოვა თურქეთის პრეზიდენტს, არ შეხებოდა სირიელი ქურთების საკითხს. ამის ნაცვლად კი ერდოღანმა სირიელი ქურთების წინააღმდეგ ომი გამოაცხადა.