პოლიტიკა
კახა კალაძე თინა ხიდაშელს უპირისპირდება, სოზარ სუბარი კი ემხრობა...
საქართველო, 26 იანვარი, საქინფორმი. ვიცე–პრემიერი კახა კალაძის თქმით „ქართულ ოცნებას” ხმების მოგროვებისთვის სპეცუბნები არ სჭირდება.
„მინდა ვთხოვო ქალბატონ ხიდაშელს, რომ თუ არის ამის შესაძლებლობა და თუ ჩვენ კანონს არ დავარღვევთ, გაუქმებული იქნეს ეს სპეცუბნები. მე კდიევ ერთხელ გულწრფელად მინდა ვთქვა და ვუთხრა საზოგადოებას, რომ ჩვენ არანაირი პრობლემა არ გაგვაჩნია იმისა, რომ მივაღწიოთ წარმატებას. თუ ეს არის არაკანონიერი შესაბამისად ალბათ იმ არასამთავრობოების მოთხოვნა არის სწორი“, - აღნიშნა კახა კალაძემ.
სოზარ სუბარის თქმით, ერთი დღით ყველა ჯარისკაცის სახლში გაშვება ვერ მოხერხდება.
“მიკვირს ასეთი პროტესტები იმ არასამთავრობო ორგანიზაციებისგან, რომლებიც წლების მანძილზე იბრძოდნენ იმისთვის, რომ პატიმრების ნაწილს ჰქონოდათ ხმის მიცემის უფლება და ახლა როგორ წარმოუდგენიათ, რომ გავუშვათ არჩევნების დღეს ის პატიმრები, რომლებმაც მიიღეს ეს უფლება მათი ლობირებით. ჯარისკაცს აქვს ხმის უფლება, მაგრამ ის, რომ დავშალოთ სამხედრო ნაწილი და ერთი დღით ყველა ჯარისკაცი გავუშვათ თავის სახლში, ეს ვერ მოხდება. ასე, რომ კანონის უზენაესობა ამ შემთხვევაში არის დაცული“, - განაცხადა განსახლებისა და ლტოლვილთა მინისტრმა.
