აშშ-ის სახელმწიფო დეპარტამენტი აფრთხილებს: "რუსთავი 2-ის" მენეჯმენტის შეცვლის მცდელობას ღრმა პოლიტიკური შედეგი ექნება. გვინდა პოზიტიური შედეგი დავინახოთ..."
საქართველო, 10 ნოემბერი, საქინფორმი. აშშ-ის სახელმწიფო დეპარტამენტი „რუსთავი 2“-ის გარშემო განვითარებული მოვლენების გამო კიდევ ერთხელ გამოთქვამს შეშფოთებას.
ჯონ კირბის თქმით, "სამაუწყებლო კომპანია რუსთავი 2-ის მენეჯმენტის შეცვლის მცდელობას ღრმა პოლიტიკური შედეგი ექნება."
"შეერთებული შტატები სერიოზულ შეშფოთებას გამოთქვამს რუსთავი 2-ის საქმის, მისი შედეგების გამო მედიის პლურალიზმზე, პოლიტიკურ პლურალიზმზე სასამართლოს დამოუკიდებლობაზე. ტელეარხის მენეჯმენტის შეცვლის მცდელობას სააპელაციო პროცესის დასრულებამდე ექნება ღრმა პოლიტიკური შედეგი. დემოკრატიულ საზოგადოებაში კრიტიკული აზრი უნდა წაახალისო და არა გააჩუმო. როგორც არაერთხელ განვაცხადეთ ამ საქმესთან დაკავშირებით, მედიის თავისუფლება, პოლიტიკური პლურალიზმი და დამოუკიკდებელი სასამართლო დემოკრატიის მთავარი ფუნდამენტია და მას არსებითი მნიშვნელობა აქვს საქართველოს წარმატებულ, ევროატლანტიკური იტეგრაციისთვის. შეერთებული შტატების პარტნიორობის კომისიის პლენარულ სესიაზეც ვთხცვით და ამის შესახებ ჩვენმა ელჩმააც გაუგზავნა ეს მესიჯი პირადად და საჯაროდაც. არ მინდა წინასწარ განვსაჯო რა იქნება პოტენციური შედეგი აქ. ხაზს ვუსვამთ კვლავ, რომ გვინდა პოზიტიური შედეგი დავინახოთ საქართველოს ლიდერებთან ერთად. თუ ეს არ მოხდება, ნიშნავს, რომ წინ ვერ წავიწიეთ. გვინდა ყურადღება გავამახვილოთ გაუმჯობესდეს ვითარება, ვიდრე დღესაა",-აცხადებს ჯონ კირბი.
