geflag
აქტუალური
ირმა ინაშვილის მესამე გზა -“პატრიოტთა ალიანსი” 8 ნოემბრიდან პერმანენტული აქციების დაწყებას გეგმავს

1-irmuS-aqtual-2საქართველო, 3 ნოემბერი, საქინფორმი. საგარეჯოს მაჟორიტარი დეპუტატობის კანდიდატი ირმა ინაშვილი ხელისუფლებას არჩევნების გაყალბებაში ადანაშაულებს.
“პატრიოტთა ალიანსის” ლიდერი არჩევნების შედეგების გასაჩივრებას აპირებს. ასევე, ირმა ინაშვილი 8 ნოემბრიდან თბილისში, რუსთაველის პროსპექტზე, რუსთაველის ძეგლთან საპროტესტო აქციების ორგანიზებას მოახდენს.

“ჩვენ ღირსეულად მოვიგეთ ეს არჩევნები. არჩევნებში სერიოზული დარღვევებია შემჩნეული და ამ ყველაფერს ჩვენ გავაპროტესტებთ სასამართლოს გზით, მაგრამ არსებობს მესამე გზაც. 12 წლის შემდეგ, მე და ჩემი თანამოაზრეები, ისევ ვუბრუნდებით რუსთაველის ძეგლს და ისევ ვამაგრებთ საპროტესტო კერას რუსთაველის ძეგლთან. ჩვენ ვიწყებთ პერმანენტულ აქციებს და ასევე ვგეგმავთ, ერთ დიდ აქციას, ეს იქნება დასაწყისი პერმანენტული აქციების”,– განაცხადა ინაშვილმა.