სამართალი
საპატრულო პოლიციამ თავისუფლების უკანონო აღკვეთის, ძარცვის და დანაშაულის შეუტყობინებლობის ბრალდებით ხუთი პირი დააკავა
საქართველო, 30 ოქტომბერი, საქინფორმი. შსს-ს საპატრულო პოლიციის დეპარტამენტის თბილისის მთავარი სამმართველოს კრიმინალური დანაშაულის წინააღმდეგ ბრძოლის საგამოძიებო სამსახურის თანამშრომლებმა გიორგი წ. და გიორგი ჩ. - თავისუფლების უკანონო აღკვეთის და ძარცვის, ხოლო გიორგი ც, დავით ნ. და ხათუნა ც. - დანაშაულის შეუტყობინებლობის ბრალდებით დააკავეს.
გადაუდებელი დახმარების ოპერატიული მართვის ცენტრ „112“-ში შევიდა შეტყობინება, რომ თბილისში, პეკინის ქუჩაზე მდებარე ერთ-ერთ ღამის კლუბში, ირანის ისლამური რესპუბლიკის ორ მოქალაქეს თავისუფლება აღუკვეთეს.
საპატრულო პოლიციის თანამშრომლების ადგილზე მისვლისას დადგინდა, რომ ღამის კლუბის თანამშრომლებმა ორ კლიენტს - ირანის ისლამური რესპუბლიკის მოქალაქეებს ფული წაართვეს, შემდეგ კი თავისუფლება უკანონოდ აღუკვეთეს და ბარის ერთ-ერთ ოთახში ჩაკეტეს.
