საქართველოს პარლამენტის შენობის წინ დღეს დევნილების საპროტესტო აქცია გაიმართება. აქციის ორგანიზატორი "ეროვნული საბჭოა". როგორც "დევნილთა სამოქალაქო მოძრაობიდან" გახდა ცნობილი, იძულებით გადაადგილებულები ხელისუფლებას დევნილთა გამოსახლების პროცესის შეჩერებისკენ და ალტერნატიული საცხოვრებლით უზრუნველყოფისკენ მოუწოდებენ.

კომპაქტურად ჩასახლებული დევნილების გამოსახლების პროცესი გრძელდება. გამოსახლება ამჯერად ტაშკენტის № 5, № 7, ყაზბეგის № 25, სამღერეთის №13, კანდელაკის №12, მიცკევიჩის № 29, ზუბალაშვილების № 42, ქერჩის № 3, გურამიშვილის № 17, № 64, ქეთევან წამებულის № 71, ყიფშიძის № 34, უშანგი ჩხეიძის № 8 კორკუსებში, ასევე თბილისის ზღვასა და სტუდქალაქში კომპაქტურად ჩასახლებულ დევნილებს ემუქრებათ.