საზოგადოება
თელავის სახელმწიფო უნივერსიტეტის რექტორის თანამდებობას თინათინ ჯავახიშვილი დაიკავებს
უნივერსიტეტის აკადემიური საბჭოს წევრების განცხადებით, რექტორის თანამდებობაზე ჯავახიშვილის არჩევის შესახებ განათლების სამინისტროდან მითითება უკვე მიღებული აქვთ.
რექტორის არჩევნებზე დამკვირვებელთა რეგისტრაციის ვადა დღეს ამოიწურა.
თელავის სახელმწიფო უნივერსიტეტის რექტორი გიორგი გოცირიძე თანამდებობიდან 8 სექტემბერს გადადგა. გოცირიძემ თანამდებობიდან წასვლის მიზეზად ის დაასახელა, რომ "რექტორად მუშაობის გაგრძელება აღარ სურს". ის თანამდებობაზე 2004 წელს აირჩიეს. მანამდე კი "თავისუფლების ინსტიტუტის" კახეთის რეგიონის კოორდინატორად მუშაობდა. ამ ორგანიზაციასა და განათლების მინისტრს - დიმიტრი შაშკინს შორის არსებული დაპირისპირების გამო გოცირიძეს თანამდებობიდან წასვლა, სავარაუდოდ, განათლების სამინისტროდან მოსთხოვეს.
