სრულიად რუსეთის საზოგადოებრივი აზრის შესწავლის ცენტრი: პუტინის რეიტინგმა განაახლა მაქსიმუმი და 89,9%-ს მიაღწია
საქართველო, 22 ოქტომბერი, საქინფორმი. როგორც "ბიბისი" იტყობინება, რუსეთის პრეზიდენტი ვლადიმერ პუტინის ქმედებებს გამოკითხულთა 89,9 %-მა დაუჭირა მხარი. გამოკითხვა საზოგადოებრივი აზრის შესწავლის რუსულმა ცენტრმა - "ვციომმა" ჩაატარა. კვლევის თანახმად, პუტინის ქმედებებს 10-დან 9 რუსი უჭერს მხარს, რაც პირველ რიგში, სირიაში რუსეთის მიერ დაწყებულ სამხედრო ოპერაციას უკავშირდება. რესპოდენტთა 26% მიჩნევს, რომ ეს გასული კვირის ყველაზე მნიშვნელოვანი მოვლენა იყო. ბოლო რეკორდი პუტინმა მიმდინარე წლის ივნისში მოხსნა. მაშინ რუსეთის პრეზიდენტის ქმედებებს გამოკითხულთა
89,1%-მა დაუჭირა მხარი.
"ვციომმა" გამოკითხვა 17-18 ოქტომბერს, რუსეთის 130 დასახლებულ პუნქტში ჩაატარა და მასში 1 600-მა ადამიანმა მიიღო მონაწილეობა.