უცხოეთი
მოსკოვში „ისლამური სახელმწიფოს“ წევრობაში ეჭვმიტანილი 10 პირი დააკავეს
საქართველო, 20 ოქტომბერი, საქინფორმი. მოსკოვის რეგიონში ცენტრალური აზიის მცხოვრებთა ჯგუფი დააკავეს, რომლებსაც ექსტრემისტულ ისლამისტურ ორგანიზაციებთან კავშირში ყოფნაზე ამოწმებენ.
„პროფილაქტიკური ღონისძიებების ფარგლებში, ასევე არსებული ოპერატიული ინფორმაციის საფუძველზე მოსკოვის რეგიონში დაკავებულია ათზე მეტი პირი - ცენტრალური აზიიდან, მათ შორის, ტაჯიკეთიდან, რომლებიც შესაძლოა, დაკავშირებული იყვნენ რადიკალურ ორგანიზაციებთან, მათ შორის „ისლამურ სახელმწიფოსთან“, - განუცხადა „ინტერფაქსს“ მისმა წყარომ ძალოვანი სტრუქტურებიდან. 
