საქართველო, 6 ოქტომბერი, საქინფორმი. რუსეთის  სამხედრო თვითმფრინავმა თურქეთის საჰაერო სივრცე არა მხოლოდ შაბათს, 3 ოქტომბერს, არამედ მეორე დღესაც დაარღვია. ამის შესახებ 5 ოქტომბერს Reuters იტყობინება, თურქეთის საგარეო საქმეთა სამინისტროს განცხადებაზე დაყრდნობით.
ეს უკვე მეორე ინციდენტია ბოლო სამი დღის განმავლობაში, - განაცხადეს სამინისტროში. მანამდე, რუსეთის სამხედრო-საჰაერო ძალების თვითმფრინავმა უკვე დაარღვია თურქეთის საჰაერო სივრცე. მაშინ განგაშისას ორი თურქული გამანადგურებელი F-16 გაუშვეს. თურქეთის საგარეო საქმეთა სამინისტრომ გამოთქვა ოფიციალური პროტესტი და ურჩია რუსეთს, გამორიცხოს ასეთი ინციდენტების განმეორება.

წინააღმდეგ შემთხვევაში, - განაცხადეს ანკარაში, - „მოსკოვი იქნება პასუხისმგებელი ნებისმიერ არასასურველ შედეგზე, რომელიც შეიძლება მოხდეს".

რუსეთის საელჩომ თურქეთში დაადასტურა რუსული თვითმფრინავის მიერ თურქეთის საჰაერო სივრცის დარღვევის ფაქტი. რუსეთის ფედერაციის თავდაცვის სამინისტრომ ეს უამინდობით ახსნა.