საზოგადოება
საქართველოს რეიტინგი, პოლიტიკური სტაბილურობის მხრივ, 2012 წელთან შედარებით 2014 წელს 27 ადგილით გაუმჯობესდა - ამის შესახებ ამის შესახებ ნათქვამია მსოფლიო მმართველობის გრძელვადიან კვლევაში, რომელიც მსოფლიო ბანკმა გამოაქვეყნა
საქართველო, 30 სექტემბერი, საქინფორმი. რეიტინგში საქართველოს შემდეგ მოხვდნენ აზერბაიჯანი და უკრაინა. პოლიტიკური სტაბილურობისა და ძალადობის/ტერორიზმის არარსებობის მხრივ საქართველოს პროცენტული მაჩვენებელი 2012 წელს 24,6% იყო, ხოლო 2014 წელს 35,9 %-ს შეადგენს.
გამოხატვის უფლების და ანგარიშვალდებულების ინდიკატორის მიხედვით, რეიტინგში საქართველოს შემდეგ მოხვდნენ მოლდოვა, უკრაინა, სომხეთი, რუსეთი, აზერბაიჯანი.
შეფასების ინდიკატორებია - გამოხატვის უფლება და ანგარიშვალდებულება; პოლიტიკური სტაბილურობა და ძალადობის/ტერორიზმის არარსებობა; მთავრობის ეფექტიანობა; რეგულაციების ხარისხი; კანონის უზენაესობა; კორუფციის კონტროლი.
