პოლიტიკა
მთავრობის ადმინისტრაციაში ეკონომიკური საბჭოს სხდომა გაიმართა
საქართველო, 25 სექტემბერი, საქინფორმი. საქართველოს 2016 წლის ბიუჯეტი, მიმდინარე ეკონომიკური პროექტები და ლარის კურსის გამყარების ტენდენცია იყო ეკონომიკური საბჭოს სხდომის მთავარი თემები, რომელიც პრემიერ-მინისტრ ირაკლი ღარიბაშვილის ხელმძღვანელობით, მთავრობის ადმინისტრაციაში გაიმართა. საბჭოს წევრებმა დეტალური ინფორმაცია მოისმინეს 2016 წლის ბიუჯეტის შესახებ, რომელიც ფინანსთა მინისტრმა წარადგინა.
სხდომაზე აღინიშნა, რომ 2016 წლის ბიუჯეტი დაგეგმილია 3%-იანი ეკონომიკური ზრდის მაჩვენებელზე, ხოლო ინფლაციის მაჩვენებელი გამოყენებული იქნება ეროვნული ბანკის პოლიტიკით განსაზღვრული მაჩვენებლის ფარგლებში; ეკონომიკა 3 მილიარდ ლარზე მეტით გაიზრდება და 33,8 მილიარდ ლარს მიაღწევს. 
