სამართალი
შსს-მ პოლიციელზე თავდასხმის ბრალდებით ერთი პირი დააკავა
საქართველო, 22 სექტემბერი, საქინფორმი. შსს-ს გლდანი-ნაძალადევის სამმართველოს თანამშრომლებმა ნიკა ბ. პოლიციელზე თავდასხმის ბრალდებით დააკავეს.
ნიკა ბ-მ მეტროსადგურ „ახმეტელის თეატრის“ ფოიეში საპატრულო პოლიციის თანამშრომელ ირაკლი ს-ს, რომელიც სამსახურებრივ მოვალეობას ასრულებდა, დანით რამდენიმე ჭრილობა მიაყენა და მიმალვა სცადა. დაჭრილმა პატრულ-ინსპექტორმა თავად მოახერხა ბრალდებულის შეჩერება და შემთხვევის ადგილზევე დააკავა. საპატრულო პოლიციის თანამშრომლის - ირაკლი ს-ს ჯანმრთელობის მდგომარეობა ამ დროისთვის მძიმეა.
