აქტუალური
„უსაფრთხოების სფეროში თავდაცვის მართვის სემინარი“ გაიხსნა
საქართველო, 22 სექტემბერი, საქინფორმი. გუშინ „თბილისი მერიოტში“ „უსაფრთხოების სფეროში თავდაცვის მართვის სემინარი“ თავდაცვის მინისტრის მოადგილემ ანა დოლიძემ და საქართველოში დიდი ბრიტანეთის თავდაცვის ატაშემ, ვიცე-პოლკოვნიკმა ნიკ უილკესმა გახსნეს. კურსი 2010 წლიდან, ყოველწლიურად, საქართველოს თავდაცვის სამინისტროს, დიდი ბრიტანეთის საელჩოსა და ნატო-საქართველოს პროფესიული განვითარების პროგრამის ფარგლებში იმართება.
„თავდაცვის სამინისტროსთვის ძალიან მნიშვნელოვანია, რომ, სწორედ, საქართველო იყოს კავკასიის რეგიონში, ასევე, ყოფილ საბჭოთა ქვეყნებს შორის განათლების, ინოვაციის, დებატების, კრიტიკული დისკურსისა და ახალი იდეების წარმოშობის ეპიცენტრი“, - აღნიშნა ანა დოლიძემ.
კურსის განმავლობაში მონაწილეები გაეცნობიან საკითხებს: რეგიონული უსაფრთხოება, თავდაცვის სტრატეგიული მიმოხილვა, თანამედროვე შეიარაღებული ძალების როლი, გარდამავალი დემოკრატიების მართვა და გამჭვირვალობა. კურსს კრენფილდის უნივერსიტეტისა და სამხედრო აკადემიის ლექტორები, ლორა კლერი და ვიცე-პოლკოვნიკი ჯემი ჰართლი უძღვებიან. სემინარი 2 ოქტომბერს დასრულდება.
